शिरीष ढकालको गजल

प्रकाशित मिति :  51 पटक हेरिएको

को होला र त्यस्तो जसको कुनै विगत छैन ?
चोट र पीडाले हृदय क्षत-विक्षत छैन !!

एउटा एकातिर अनि अर्काको मुन्टो अन्तै,
सबै एक से एक कसैको एकमत छैन ।

सहि गलतको वकालत सञ्जालमै देख्छु,
कसले भन्छ यहाँ निष्पक्ष अदालत छैन ?

बर्बाद हुन्छ भविस्य वर्तमान नचिन्नेको,
जसको खर्च अधिक छ तर बचत छैन ।

धनकै घमण्डमा भुल्छ सारा संसार जस्ले,
लाग्दोहो उसलाई कसैको जरुरत छैन ।

भिड छ बा-आमालाई बृद्धाश्रममा राख्नेको,
छँदैछैन जन्मदाताको केहि इज्जत छैन ।।

© शिरीष ढकाल
मण्डनदेउपुर नगरपालिका-५, काभ्रेपलाञ्चोक
हाल:दुबई, युएई

तपाईको प्रतिक्रिया