स्पानिस ला लिगाको खेल तालिका सार्वजनिक

प्रकाशित मिति :  378 पटक हेरिएको

काठमाडौँ । स्पानिस ला लिगा २०२१/२२ को सिजनको खेलतालिका आज सार्वजनिक भएको छ ।

लिगाले बुधबार नयाँ सिजनको लागि तालिका सार्वजनिक गरेको हो ।

आगामी अगष्ट १५ देखि सुरु हुने लिगमा रियल मड्रिड र बार्सिलोनाबीचको चर्चित एल क्लासीको खेल अक्टोबर र अर्को वर्ष मार्चमा हुने भएको छ ।

यस्तै नयाँ सिजनको पहिलो दिन अगस्ट १४ मा १० खेल हुनेछन् । जहाँ च्याम्पियन एट्लेटिको मड्रिडले सेल्टा भिगोसँग खेल्दै उपाधि रक्षा अभियानको सुरुआत गर्नेछ ।

यस्तै रियल मड्रिडले पहिलो खेलमा अल्भेससँग उसैको मैदानमा खेल्नेछ भने बार्सिलोनाले रियल सोसिडाडसँग घरेलु मैदानमा खेल्नेछ  ।

ला लिगामा सिजनको पहिलो एल क्लासीको भिडन्त अक्टोबर २४ मा बार्सिलोनाको मैदान क्याम्प नोउमा हुनेछ ।

यस्तै रिटरन लेगको खेलमा २०२२ मार्च २० मा रियलको मैदानमा सान्टियागो बर्नाबेउमा हुनेछ ।

यस्तै रियल र एट्लेटिकोबीचको मड्रिड डर्बी खेल डिसेम्बर १२ मा रियलको मैदानमा हुनेछ । अर्को मड्रिड डर्बी मे ८ मा एट्लेटिकोको मैदान वान्डा मेट्रोपोलिटानोमा हुनेछ ।

 

 

तपाईको प्रतिक्रिया