कविता: केवल एक प्रश्न

प्रकाशित मिति :  263 पटक हेरिएको

क्रान्तिका कुरा सार्है
मिठा हुन्छन्
रगत उमाल्छन्
बिना आगो ,

ज्यान लिने दिने कुरा
सामान्य हुन्छन् ,

जब शहिदहरुको
जमात खडा हुन्छ ,
दिने भनेको
केवल
आश्वासन हो ,
केवल नारा हो ,
सहादत माथी ,

तपाई फेरिपनि
कायापलटको
मुलायम मुक्ति ब्रान्ड
खोक्दै हुनुहुन्छ ,

सोध्न मन लाग्छ ,
आँखामा छारो छर्ने
यो खेतिको सिजन
कहिले सकिन्छ ?

© विष्णु पादुका
कागकोट , डोल्पा ।

तपाईको प्रतिक्रिया