टेपमा बाँस्कोटाकै आवाज हो भन्ने प्रमाणित भएको छ र ?

प्रकाशित मिति :  489 पटक हेरिएको

काठमाडौँ । प्रधानमन्त्री केपी शर्मा ओलीले निर्वतमान सूचना तथा सञ्चार प्रविधिमन्त्री गोकुल बाँस्कोटाको बचाउ गरेका छन् । पार्टीको वागमती प्रदेश कमिटीको राजनीतिक प्रशिक्षण तथा भेलालाई सम्बोधन गर्दै प्रधानमन्त्री ओलीले सेक्युरिटी प्रिन्टिङ प्रेस खरिदमा कमिसनका लागि बाँस्कोटाले बार्गेनिङ गरेको अडियो सार्वजनिक भएकोमा उक्त ’अडियोमा बाँस्कोटाकै आवाज हो भन्ने प्रमाणित नभएको’ दाबी गरेका हुन् ।

उनले भने, ’अनधिकृत मान्छेले ल्याएको टेप उचालियो। यसमा कुनै प्रमाण छैन।’ स्वीस कम्पनीका एजेन्ट भनिएका ती व्यक्तिलाई स्वीस दूतावासले एजेन्ट होइन भनेर विज्ञप्तिसमेत निकालेको प्रधानमन्त्रीले उल्लेख गरे ।

उनले भने, ’नाम जोडिएकाले उनले नैतिकताको आधारमा राजीनामा गरे। भ्रष्टाचार गरेको प्रमाणित भएको जस्तो गरी प्रचार भयो।’ प्रधामन्त्रीले अडियो प्रकरणमा बास्कोटाको दोष देखिए कारबाही हुने र सजाय पनि भोग्नुपर्ने बताए ।

तपाईको प्रतिक्रिया