गजलकार प्रदीप रोदनको गजल:

  अस्मिता स्मृति प्रकाशित मिति :  602 पटक हेरिएको

त्यही भो तिमी सोच्नुको डर मलाई!
म नै सोच्न चाहान्न सकभर मलाई!

चढाएर फूल बाटोमा राखुँ लाग्छ,
दियो भाग्यले फेरि पत्थर मलाई!

भलै आँसु झर्ला म दुख्दा कसैको,
कहाँ हुन्छ पीडा बराबर मलाई!

न मैले बुझेको छु जीवन न बुझ्छु,
दिए मृत्युले दिन्छ उत्तर मलाई!

यही हो त माया तिमीले भनेको,
गर्यो एक चुम्बन जो भर्खर मलाई!

तपाईको प्रतिक्रिया